امابعد....
مقارنه بين اطفال الناس الكـآشّ .... وورعانا المحترمين
(( العيـآل
العنقليز ))
في الصبـآح حيث يبداء يوم الطفل عندما يستيقظ على صوت
الكناري اللي بغرفته بعدها يتوجه للحمام يتروش ويفرش اسنانه ويطلع
من الحمام تستقبله المربيه بالمنشفه وتصبح عليه يروح يغير ملابسه
وياخذ شنطته وينزل لغرفة الطعام ويصبح على امه وابوه واحلى
بوسه ياخذها منهم ويفطر ذاك الفطور طبعا عباره عن كورن فلكس
ابو الديك ذاك وبيضه وحده بس!! وكاس عصير وشويت زبده مع العسل
على خبزه ما عمري شفتها ..
بعدين يقوم يغسل فمه ويودع الماما والبابا ويتوجه للسياره يلقى قدامه
السواق مبتسم ويفتح له الباب ويوديه لمدرسته الخاصه
( كلارادو)
--------------------------------------------------------------------------------------------------------
(( ورعـآننـآ المحتـرميـن ))
يقوم الصبح بعد ما يطلع عين اهله ولازم افراد العائله يمـروٍن عليه
عشان يقــوم وكل واحد وطريقته
الاب : قم عسـآك العمـآ !!
الأم : قم اللـه يفـقـع قلبـك !!
الأخ : والله اذا ما تقوم ادوس ببطنـك !!
أخته تسوي نفسها بتدلعه : يالله قوم وأعطيك شنطة أخوك تروح فيها للمدرسه
((واخيـرا قـآم الاخ ))
بعد ما يقوم يمر الحمام على السريع ويغسل وجه شطف (( نـص وجهه عليـه مـويـه والثـآنـي لا )) هذا اذا راح.
وبعدين ياخذ اقرب كتب عنده ويربطها ويجيك مدحدر يدور الفطور ويتفاجـآء
انهم ما حطوه!!!!
بعد ما يجي الفطور وهو كالعاده : فول+ شكشوكه + حليب وادي فاطمه
يبدأ الورع بالأكل وشوي الا وهو حاذف أخوه بعلبة الهندسه!!!!
عشانه سحب صحن الفول من عنده .... هههههههههههههههههههههههههههههـآي
((بعـد شـوي ))
مسدد بقس عنيف يمشي 200 لأخوه الثاني!!!
لأنه سرق قلمه الرصاص ... هههههههههههههههههههههههههـآي
أبوه يتكلم معه : يا ورع أركد وافطر وعين خير انت وش بلاك وراك مدرسه ..
يرد الورع عليه : انت ما تشوف سعيدان سارق قلمي؟؟
<< سعيدان اكبر سروق بالبيت >>
ابوه على طول يصدق ويصـــــــك سعيدان كف !!!
المهم بعد ما يخلص الفلم اليومي يروح الولد للسياره يلقى اخوه فاتح الكبوت ويصب ماء للرديتر المشقوق
تقفل اخلاق الورع وينقز للشارع ويأشر لأقرب سياره ويروح للمدرسه
(( علي بن ابي طالب))
------------------------------------------((العـوده مـن المـدرسه ))------------------------------------
((الولـدالعنقليزي))
بعد المدرسه يرجع الطفـل الكـآش ويلقى المربيه في استقباله تاخذ الشنطه وتوديها لغرفته بصحبته يغير
ملابسه ويغسل وجهه ورجليه ويستريح له ساعه في أنتظار افراد العائله عشان يتغدى وبعد الغداء الرايق
طبعا ما اعرف وشو بس اللي اعرفه انهم ياكلونه بشوكه وسكين ....
يروح لغرفة الجلوس ويشرب شاهي للتهضيم ويحلي بقطعة كيك وبعدين يروح لغرفته ينام له ساعه قبل
العصر.
----------------------------------------------------
((ورعـآننـآ المحتـرميـن ))
اما الورع منهم يجي من المدرسه وثوبه قالب لونه بني ===>> تقول جدار مدرسه
ولا دخل البيت حذف الشنطــه بالصاله وفصخ ثوبه ...
ووينك يالشارع << اخوياه يحترونه>> وهاتك ياللعب هههههههههههههههههههههـآي
كوره بذا القايله وعاد الشارع مولع من الحراره وهم عادي مررره ولا كأنه فيه شيء واهله ما يدرون !!
في هذه الأثناء يرسل ابوه كتيبه من اخوانه للبحث عنه ........
يـوم يلاقـونـه يجيبونـه للبيت قام يصيح طقوني وسحبوني قدام الناس خخخخخخخخخخخخخخ
واهو نصاب والله محد لمسه <<<<<<<
يقــوم الـوالـد ويـآخـذ المشعـآب ويفك جـولـة مـلاكمـه اكيـد تنتهـي بـآالضـربـه القـآضيـه بـٍس الـورع
مـآيتـأثـرّّ!!
المهم يحطون الغداء معروف يا كبسة لحم ولا كبسـة دجاج غيره ما فيه
يتغدى الورع الكريم ويصـــــــــــك بعدها لتر للبن ههههههههههههههههههههههههههههههـآ ي
بعدها يجلس ساعه فاتح فمه تحاول تسكر فمــه !!! أنسى
يحتري من يوديه يغسل له يديه!!!!!!!!!
----------------------------------
((الاطفــآلالعنقليز))
لا جاء العصر جابوا دروسهم وشافوا وش عليهم من واجبات وحلوها وحضروا دروس بكره بمساعدة الماما
والبابا.
بعدها يروح لغرفة الألعاب ويجلس على البلاي ستيشن و يلعبون لمدة ساعتين تقريبا يعني اللى وقت ما بين
المغرب والعشاء ....
بعدها تطلبه امه مع بقية أخوانه عشان يجتمعون ويشربون العصير ويسولفون سواليف مررررررره حلوه
((أسألوني ))!!!!!!
-------------------------------
((ورعـآننـآ المحتـرميـن ))
يجي وقت العصر وهو نايم ... مفعول اللبن >> يقوم قبل المغرب ...!!!!!!!!!
وياخذ دروسه وواجباته وأقلامه ناسيها في درج الطاوله اللي بالمدرسه ويروح عند أخته ويتحايل عليها
بكل ما أوتي من قوه على شان تحل له الواجبات واذا قالت لا يا ويلها يا سواد ليلها !! ههههههههههههـآي
بعد كذا أنواع الدجه مع ورعان الحاره ومن هم على شاكلته ما يخلون هندي الا وسرقوا سيكله ,....
ولا دكان الا ولعبوا بحسبته ....
ولا رجع البيت (( على الساعه 11 تقريبا )) تلقى راسه مشـقق من جميع الاتجاهات والشرطه تدوره
وجارهم مسوي أعلان عليه مطلوب (( حـــــــــي أو مــــــــــيت )) هههههههههههههههههههههـآي !!
-----------------------------------
(( الاطفـآلالعنقليز))
أطفال الكـآش بعد ما يتعشى ويمسي على اهله يروح لغرفته ويجلس على النت ساعه أو ساعتين الى موعد
نومه الساعه 10 تقريبا ....
بعدها يغير ملابسه وتجي المربيه وتحكي له قصه اللين ينام تغطيه وتطفي النور يــآقلبـي
----------------------------------
((ورعـآننـآ المحتـرميـن ))
لا رجع البيت(( الساعه 11 )) ما يدخل مع الباب لا ينط من فوق السور على شان ابوه ما يمسكه ..
وعلى طول يـركـض لغرفته ويسكر الباب ويطفي النور ويطل من الدريشه الشباك يعني >> على باب الشارع
الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه
مع الناس ومع جارهم ومع الشرطه....
وفي أثناء ذلك يستغل الفرصه ويدز للمطبخ وياخذ منه جبن البقره الضاحكه
وخبز ويرجع لووووووووووكره ويقفل باب الصندقه هههههههههههههههههههههـآي
ويتعشى من ذا الجبن والخبز
اللين يدوخ <<على الساعه 3>> لا وأزيدكم من الشعر بيت ما ينام الا وهو متلطم
hgtvr fdk h,gh]kh ,h,gh] hgukrgd. hgtvr h,gh]kh fdk
الفرق بين اولادنا واولاد العنقليز
العرض العادي
