(وين اروح)
بعد ماضاقت بي الدنيا بدونك
وين باهرب من عيونك
(علمني) أي أرض بتحتضني بكل مابي من جروح
(صدقني) كل حزن الكون واكثر صار فيني
كل هموم الناس واكثر تعتريني
ها، ظنك أرض بتحتويني !؟
(ما أبي منك أي اجابة)
كثر ما أحتاج لسؤال
اسأل نفسك وقولي :
(ليه أنا أصلآ تركته...دامه أطيب قلب شفته لاجحود ولا أناني)
وجاوب نفسك بنفسك واعذرني عالسؤال
في غيابك كل أحلامي تهاوت
الحياة والموت بعيوني تساوت
صرت أنا إنسان عادي بعد ماني كنت غير
أي نعم ،،
وياك كنت إنسان ثاني كنت طير
ليه حطمت كياني؟!
آآآآه لو تدري إش صار بغيابك
صرت ماني اللي على خبرك وخبري قمت ،' أهذري '،
صرت أشوفك في وجيه الناس واتكلم معااااك
أرتمي باصغر تفاصيل الملامح فيهم ابحث عن بهاك
وان سألني أي واحد منهم وقال إش فيك؟!
أمتلي حيره ولا أدري وش أقول !!
أسألك بالله قلي إش أقول؟!
خايف أشكي !!
أنفجر بوجيههم وابكي عليك
خايف أبكي !!
انصهر بعيونهم واحرق يديك
إش تبي طيب عن جفاك قولي يرحم والديك !!
أنت وينك إش خذيت من صدودك وين صارت بك حدودك
عاجبك ماصار فيني "يابـــــرودك"
رحت ماخليت فيني غير حاجه
شخص هالك مرتمي من تحت جلده
منحني من واقعه
بعدك..لا أهل..لا ناس..لا جيره وبلده
والله إنك كنت كل أهلي وناسي ليه صرت مصدر جراح ومآسي
" آه منك "
ليه ياروحي قسيت وانت ادرى الناس أيش يصير فيني لو دقيقه غبت عني
أو شغلني ظرف عنك أو نسيت
هذا كل اللي تركت لي ورحت
( قلب ميت )
بس مشكلته يكابر
ورغم كل اللي جرى ظل صابر
بس هذا مو عشاني
هذا لأنك تسكنه (استرحت)
وعيني مليانه بطيوفك
غالبا تصرخ بدون احساس
( وينك ... بس أشوفك )
والمصيبه دمعها لو سال
بعضه ينتثر قطرات فضه
( ماعلينا)
اترك عنك كلامي واسمعني
كل ماجيت تنام ابغى منك تذكرني
واسأل نفسك بدالي كم سؤال
((يستحق اللي جراله من صدودي؟؟
ليه خليته يعيش بوهم واخلفت بوعودي ؟؟
ليه ضيعته وهو اللي منتشلني من ضياعي ؟؟
ليه ماأوفيته...حقوقه ؟؟
دوم يمنحني خفوقه
ليه طيب مامنحته حتى فرصه في وداعي ؟؟ ))
والا أقولك :
أنا عندي حل ثاني
باتركك أنت وضميرك
بس قول لي علشاني
انصحني وين أروووووح
وكثر الله ألف خيرك ....
الموت من دونك أرحم
والحياه بقربك حياه
انت كل شى بعيونى
اسألك بربك تعااااال
(((خذينى مابيني)))
أوأرجوك أنسيني
وانابحاول النسيان
وانسى اني انسان
والبس ثياب الذكرى
وارحل
اتمنى تنال اعجابكم
,dk Hv,p lv,[ kp,
وين أروح
العرض العادي
