[« الدلوعه »]

ثامن السبع العجايب







اسمعي والكل منـا لـه هـواه ولـه ميولـهلاتمسين بكلامـك شعـره بـروس القرايـب
ان حكيتي مـا وفيـت وان تحديتـي عجولـهتحسبين ان كل فعـل ٍ تفعلـه يمنـاك صايـب
تحسبين انك خذيتي بالحـش صولـة وجولـةتحسبين اني ذكرتك مـع نسانيـس الهبايـب
والله انك لو ذبحتـي خافقـي لألقـاك حولـهعاشقة تشقي بقلب من طريق العشـق هايـب
كم رضيت اسكت عليك من القهر وانتي زعولهخايف اضحك وستفزك واهجرك واعيش ذايـب
أدعيت انك خجولة وادري ان ما انتي خجولـةوادري انك تخجلين الشمس من فوق السحايب
مايحببنـي بقلبـك ياالهـنـوف الا فضـولـهولا ينسيني غرامـك غيـر تكـرار المصايـب
عاشقة جيتـي ورحتـي يالحبيبـه يالعذولـهلابنيتـي لـي طمـوح ولا تركتيهـا خرايـب
تستبيحيـن القلـوب وتستحقيـن البطـولـةواستحق اعيش بعـدك تايـب وامـوت تايـب
ياكثر ماشال قلبي شـي اكبـر مـن حمولـه=ولا عفيتي عن غلاه ولابخل لـك بالوهايـب
كنه ارحم من همال المـزن للزهـر بذبولـهوانتي اقسى من هجير القيظ وسموم اللهايـب
وانتي ادرى في غلاك بداخلي ش اللي يزولـهوادخلي علـى الله واحفظـي ذيـك السبايـب
ماخبرت اللحظة اللـي حللـت قربـك تحولـهولا هقيت اني بشـدد للجفـا قلـب وركايـب
ولاهقيت انك تحبيـن الزلـل وانتـي جفولـهولاهقيتـك تكرهينـي كثـر حبـك للطلايـب
كن قلبي في وصالـك وابـل ٍلحظـة نزولـهوفي فراقك مثل دمعة تنحدر من عين شايـب
كنت ابي وقفت حبيبه تنهض القلـب بخمولـهطامح بالعشق وانتي عايبـه والحـظ عايـب
كنت ابيع الكون واشتري خافقك وظلال زولـهكنت اثور اليا وطيتي بالقـدم شهـب الترايـب
كنت قصن كـل كفـي غيـر كفـك مايطولـهكنت قلب ودمعتيـن ودرب وجـروح عطايـب
كنت ابيع العمر كله ورخصه عرضه وطولـهللعيون الي هدبهـا ثامـن السبـع العجايـب
بس ابرضي لك غرورك واكسر القلب بذهولـهوقتها ماكنت افكـر صايـب او كنـت خايـب
والرجل لـو ماتحلـى بالشهامـه والرجولـةصدقيني صعب يقـدر يملـك قلـوب الحبايـب
صدقينـي مايوالـف خافـق البنـت بسهولـهبالهوى يابنت حـواء غيـر طـلاب النشايـب
والسهر والعشق الاول والهوى واللـي ينولـهشي اقسى من همومك والعنه حاضر وغايـب
والهموم اللي دعتني من بعـد سـن الطفولـةكلها ( من تحت راس العشق ) ملعون الصلايب