[« الدلوعه »]

الاول والتالي








جا نهـار مـا رحمتنـي جيتـه وقدومـهشفت فيه النـاس واجـد واقفيـن اقبالـي
كنت احسب انها حقيقة والعـرب ملمومـهوقمت افضفض عن همومي واشتكي غربالي
ويوم زال الحـزن عنـي وانجـلا بغيومـهواثرني ما غيـر اسولـف بالخـلا بلحالـي
من عذابي قمت اعـزي قصـة مرحومـةولعـت بيديـن خلـي وانطفـت بهمـالـي
قصةٍ لدت عيـون صويحبـي مـن نومـهيوم شلت المـوت بيـدي وابتلـوا عذالـي
ما رضيت اكسر غلاي وما قـدرت ارومـهوعاذلي ما صد عني ومـا قـوى منزالـي
إبتليتـه ليـن جتنـي خنجـر مسمـومـةوابتلانـي ليـن جـاب الاولـى والتـالـي
والله انه مـا عذلنـي ليـن شـق هدومـهولين خانتنـي عزومـي وانكسـر تمثالـي
والا انا ما كنت ابيـن لا أمطـرت ديمومـةبالمدامع مـن فـراق المخلصيـن امثالـي
كنـت اوقـف واتذكـر نفخـة اليشمومـةواذكر اني كنت غالي فـي عيـون الغالـي
واحـد كانـت نسايـم سيرتـه بسمومـهوكان كل ما شاف ظلمي بالهـوى يلجالـي
ذاك والله كل ما أرسل في حشـاي سهومـهانتهـى ليـل السكينـة وأبتـدا زالـزالـي
ووالله اني كل ما اسمع سيرتـه وعلومـهقمت اشوف الموت الاحمر واقـف بظلالـي
واشهد اني كل ما اسهى وافتكـر برسومـهوما وعيت الا وانا ارمي غترتـي وعقالـي
ليـت ربـي يحتميـه ويحرسـه ويدومـهيومه اقرب من عروقي للجسـد بوصالـي
وليتني لما عرفتـه مـا عرفـت خصومـهوما وقعت بظلـم نـاس ماوراهـم والـي
العـذول اللـي حرمنـي حاجـة مقسومـةليـه يحرمنـي قهوتي(والـدلال دلالــي)
وليه يسأل في غرامي وان بغيت اسومـه؟دام صار الجيـب جيبـي والريـال اريالـي
والله ان العشـق شـي يستحـق القومـةواشهد ان عيـون خلـي تستحـق افعالـي
يكفـي انـه لا نظرلـي نظـرة محشومـةيرتجف كفي ويوقـع مـن يـدي فنجالـي
وان لمحت بطرف عينـه دمعـة مكتومـةجيت كلـي مـن عذابـي عالـي متعالـي
وان تبوسم لي بعينـه والشفـا مضمومـةوالله ان مدري وش اللـي بعدهـا يجرالـي
ليت يومـي قبـل يومـه أو معـاه بيومـهوليت حالـه غيـر حالـي دام هـذا حالـي
إن غفيـت الليـل جتنـي بالمنـام حلومـهوان صحيت الصبح ناسي سيرتـه يطرالـي
والله ليبطـي وعينـي تسهـره وتقـومـهوالله ليبطـي عذولـي مـا يفـك حبـالـي
دامني لا زلـت احبـه واعشقـه بهمومـهبذكره مـع كـل خطـوة حللـت ترحالـي
بذكره مـع كـل ليلـة مظلمـة مشؤومـةنزلتنـي فـي حشـاه ورفعـت منـزالـي
وبذكره مع كـل دمعـة نوخـت بكمومـهوعلمتني بان قـدري فـي غرامـه عالـي
وبذكره مع كـل نظـره بائسـة مظلومـةحسستني بانه اخـر مـن نـوى يصفالـي
وبذكره كا ما نسيتـه وان ذكـرت سلومـهقمت اشوف الناس واجـد واقفيـن قبالـي
وان حسبت انها حقيقه والعـرب ملمومـةما تحكمـت بسكوتـي ليـن طـال جدالـي
ويوم زال الحـزن عنـي وانجـلا بغيومـهواثرني لا زلت اسولـف بالخـلا بالحالـي