الشباب وتصرفاتهم عند الاشاره
 

سلاام
اليوم جايبه اشكال شبابنا عند الاشاره مخ45

واقفين عند الاشاره

النوع الاول


وهو الي يستغل وقته ويرتب سيارته ويفتح دروج سيارته ويعفط في


هالفواتير ويرميها في الشارع وفجأه ماتدري الاوهو ناقز في المرتبه


الي ورى يرتبها ولا تستغرب اذا شفته ناط في شنطه السياره (الرجال


مرتب)وتنفتح الاشاره والاخ مشغول في التنظيف





النوع الثاني


وهو اكثر واحد يفرح اذا وقف عند الاشاره علشان يبدأ يستعرض ويرقص


ويردح هو وخوياه ويرقصون السياره معهم مخ55



النوع الرابع


وهو عكس الي قبله وهوالي يشغل شريط خالد عبدالرحمن (ومغلدم)وانواع


التغلق والحزن وطبعا الاغنيه من كثر ماهي قديمه تشك انه مغنيها قبل


توحيد المملكه ويكون وجهه مورم من الصياح :(




النوع الخامس


وهو الي تقول توه مكتشف انه ابو وماتسمع غير هواشه وتلعينه على


بزرانه الي مالين سيارته وماتدري الا وهو ساحب العقال ومخرب التشخيصه


(يستعمل اساليب التربيه الحديثه)ويرجمهم بكرتون المناديل الي ماليه


السياره والفضل يعود لمحطة البنزين, لو تمر جنبهم عطوك منديل هديه




النوع السادس



وهو الي يستغل الوقت ويجلس يتشخص ويرش عطر وشوي الا يحط روج ومعلق



الايرفون في اذنه ومشغل شريط (سيلين ديون)مسوي جو اجنبي وانواع القز



في السيارات الي جنبه :)


النوع السابع



وهو الي اذا شفته ترحمه وتقول ميت من الجوع وتشك انه جالس في مطعم


مو في سياره الرجال ماسك الهمبرجر بيد والببسي والبطاطس بيد


والشورما في حضنه والفطاير جنبه والبيتزا في المرتبه الي وراه ولا


تستغرب لو شفته داب في مفطح




النوع الثامن



وهو الي تحس انه ماعنده وقت ابد ودايم بزي ولابس نظاره وخاتم ومبحلق


في الجريده ومسوي زحمه في الشارع والي جنبه طفشان ومشتغل مسجات
بالجوال




النوع التاسع



وهوالي سيارته زحمه.. مو ناس ..لا ماخلى ثوب ولا شماغ ولا بدله ولاجزمه


حتى الشراب الا ومركبها معه عشان يكون تبديل الملابس اسرع عند الاشاره


حتى البطانيه جايبها وماخذها معاه تعرفون الجو متقلب



وانتو يالشباب كل واحد يقول هو من اي نوع ؟؟؟؟


تحياتي
هلاليه كيووت






منقوووول

يمنع المنقول في هذا القسم ,,



سوري ينقل الىا الماصله

مشكووووووووره بس الرجاء عدم السب للشباب
رجاء خاص