قالوا كـذا مبسـم هيـا .. قلـت لا لا
بين البروق وبين مبسـم هيـا .. فـرق
ويالله .. بـنـوٍ مـدلـهـم الـخـيـالا
طافح ربابه .. مثل شـرد المهاالـزرق
لا جـا علـى البكـريـن بناالـحـلالا
ولاعاد لا يفصل .. رعدها عن البـرق
يسقي غروسٍ .. عقـب ماهـي همـالا
وحط الحريق ديار الاجواد .. له طـرق
يسقـي نعـامٍ .. ثـم يمـلا الهـيـالا
ويصبح حمامه ساجعٍ .. يلعـب الـورق
جريت انا صوت الهـوى .. باحتمـالا
في وسط بستانٍ .. سقـاه اربـعٍ فـرق
طبّيـت مـع فــرعٍ .. جديدالحـبـالا
وظهرت مع فرعٍ .. تناوح بـه الـورق
روشـن هيـا .. لـه فرجتيـنٍ شمـالا
وبابٍ على القبله .. وبابٍ على الشـرق
مبسـم هيـا .. لـه بالظـلام اشتعـالا
بين البروق .. وبين مبسـم هيـا فـرق
بـرقٍ تـلالا .. بـأمـر عزالـجـلالا
واثره جبين صويحبي .. واحسبه بـرق
يا شبـه صفـرا .. طـار عنهاالجـلالا
طويلة السمحـوق .. تنـزح عنالـدرق
له ريق .. احلى مـن حليـب الجـزالا
واحلى من السكر .. الى جاء من الشرق
حنيـت انـا .. حنـة هزيـل الجمـالا
ينقض ردي الخيل .. قد حسـة الفـرق
ويـا قلتـةٍ .. فـي عاليـات الجـبـالا
ماها قراح .. مير مـن دونهـا غـرق
ماعـاد للصبيـان .. فيهـا احتـمـالا
من كود مرقاها يديهم .. غـدن طـرق
قالوا تتوب مـن الهـوى .. قلـت لا لا
الا ان تتوب .. ارماح علوى عن الزرق
قالوا تتوب مـن الهـوى .. قلـت لا لا
الا ان يتوبون .. الحناشل عـن السـرق
قالوا تتوب مـن الهـوى .. قلـت لا لا
الا ان تتوب الشمس .. عن مطلع الشرق