منتــديات مافي مخ - خلونا نحلم خو الاحلام ببلاش :)

خلونا نحلم خو الاحلام ببلاش http://www.hodood.net/ibbb/html/emoticons/smile.gif

السلام عليكم ورحمة الله

شلونكم شخباركم

انا عضو يديد معاكم وان شاء الله بتشوفون مشاركات طيبة مني

اول شي وقبل لا نبدي ..

الموضوع يبيله مزاااااااااااااج ..

يعني اذا كنتوا مشغولين الحين او مالكم خلق او تعبانين او تحاتون الاختبارات

والدرجات او بالكم مو صافي لا تكملون الموضوع ..

اما رايئين فكملوا الموضوع على روائة

يالله نبدي

غمضوا عيونكم ..

لا ينشغل بالكم بأي شي ..

ابيكم تشوفون السواد الي تشوفونه لمن تغمضون عيونكم

سمعوا صوت الهدوء ..

خلوكم مغمضين ..

ها شقلنا ..

ليش فاتحين عيونكم لي الحين http://www.hodood.net/ibbb/html/emoticons/tongue.gif

يالله يالله غمضوا ..

وانتوا مغمضين والهدوء يعم المكان ..

حلموا ..
حلموا بأي شي حتى لو كان مستحيل .. !! http://www.hodood.net/ibbb/html/emoticons/happy.gif

كل واحد خل يختارله حلم ويحلمه ..

مافي اي مشكلة مو الاحلام ببلاش ..

وخلوا احلامكم في كل الجوانب ..

(( شخصية - مالية - دراسية ... الخ الخ ))

حاولوا انكم تتحلمون بالتفاصيل ..

لا تخلون شي إلا وتحلمون فيه ..

لا تخافون قلتها واقولها مرة ثانية الاحلام ببلاش ..

شفتوا روحكم وين وصلتوا الحين .. ؟

لا تقولون انها مجرد احلام ..

حلموا وواصلوا الحلم ..

الي يبي يصير دكتور خل يحلم انه صار دكتور .. http://www.hodood.net/ibbb/html/emoticons/biggrin.gif

يعالج الناس ويكتشف اكتشافات علمية طبية ..

الي يبي يحلم بالدعوة خل يحلم انه صار داعية

وينشر الاسلام في كل مكان رغم كل المصاعب ..

حلموا وواصلوا احلامكم ..
http://www.hodood.net/ibbb/html/emoticons/wub.gif

يالله وصلتوا لي النهاية ..

يالله فتحوا عيونكم .. http://www.hodood.net/ibbb/html/emoticons/huh.gif

وييبوا ورقة وقلم
ابدوا سجلوا الحلم ..

وشنو صار بالحلم من البداية لي النهاية ..

ولا تنسون التفاصيل الي قلت لكم حلموا فيها ..

لا تخلون شي إلا وتسجلونه ..

سجلوا احلامكم ..

سجلوا امنياتكم ..

سجلوا الحلم الي حلمتوه بالترتيب ..
http://www.hodood.net/ibbb/html/emoticons/wub.gif

يالله سجلتوا احلامكم ..

الحين ابدوا حطوا خطوات وتاريخ لكل خطوة بالحلم

من البداية لي النهاية

كل خطوة حطوا لها تاريخ ..

يعني مثلا :

في تاريخ 20\1\2008 اخر امتحان فاينل

في تاريخ 10 \ 2\ 2008 بقدم على الماستر

في تاريخ 20 \ 7 \ 2010 بخلص من الماستر

وسجلوا كل الحلم بالتفصيل ..

لا تنسون شي ..

وابدوا فعليا بتطبيق الحلم ..

راح تلاقون ان المستحيل صار ممكن .. !! http://www.hodood.net/ibbb/html/emoticons/happy.gif

لأن أحلام الامس حقائق اليوم ..

واحلام اليوم حقائق الغد ..

مافي احسن من هالانجاز ..

ان الواحد يحقق شي بحياته ..

على الاقل شي يذكر ..

ان كان في جانب الدراسة فصار هالانسان الحالم دكتور في مجاله ..

والداعية نشر الاسلام والدعوة والاصلاح في مجاله ..

شفتوا شلون المسألة سهلة وبسيطة ..

لا تستصعبون شي ..

ترى والله سهالات ..
http://www.hodood.net/ibbb/html/emoticons/cool.gif
بس المسألة يبيلها شوية أحلام + شوية عزيمة واصرار

بالنهاية تلاقون روحكم حققتوا الي تبونه بسهولة ويسر ..

وقبل هذا وذاك ..

رفعوا ايدكم للمولى

وقولوا يا رب .. http://www.hodood.net/ibbb/html/emoticons/ohmy.gif

عشان ربي يبارك بأعمالكم

والي حققوا احلامكم مو احسن منكم ..

صدقوني انتوا مثلهم او احسن منهم بعد ..

بس فرقوا عنا انهم حلموا وحققوا احلامهم ..

يالله خلونا نحلم ونحقق أحلامنا